Igarobandur dule wissur alledi. E wagar
gwen allesur dagledae.Wissur dodoge, animar
saddebali. Ibagwengi, ai Usweggi soggali:
-¡Dulemar buled na san samalad
gwenadgan irgwensur imagmalad, basursunna binsaed
galemaladi! ¡Emisgi, be an dagmaloena,.. eddo sooooo!
Geb, ai Us mas dagsasunna. Ai igarobandurse abga godsa, e negse mas
iddodagega.
Ai igarobandur, binalee dognoniggi ai Us negse. Ai igarobandur,
binale dognoniggi ai Us negse.
Ai baiganse gwen godsasuli sigisa. Usu ga san ologana, narassoleun
dumgumalad ga asabin sisa.
Igarobandur, gwen sabossuli, ¡murgi, murgi, murgi!
-¡An ai, be nabbi abeger, egidsabin sao…!
- Usu na e aiga soge.
-Adi, na bega sabbi enaggoed, san egwanega.
Igarobandur gannar egiddebali. Ged, Usu abin imagsa:
-¡Nued an ai, emigindi, be ansa dago! ¡Be, sabbi
urba an edarbe gwisguo, andi na bega sabbi duggugi obaddesioed!
Usu, diaggwa ologan, san unni dumgumalad sesa. Usu, sabbi duggugi sii,
Igarobandurse goddesunna:
-¡An ai, nuegwa gaya egao…, san ise
duddumaggarsoggu, gayagi be abingaergebed!
Gebe, ga san sunnad medsali, Igarobandur gayagi abingasa, ¡sas, sas, sas…
murgi! Irbaa gusadgi, Usu e aise goddebali:
-¡An ai, emisgindi, na bega sunnasoged amis, ise
duddumaggaledi, mer goonasigi be ebugo! ¡Ise egaar gaya imaggo, mer
be oagginned sao!
Usu, geb ise maggalagii, igarobandur gayase diiaggwa meddesunna, ¡dag,
dag, bum, bum!
Diaggwa igarobandur e nugargi gwissigusa; geb e golowargi signoniggi.
Ai Us, ise idsomaggar agdesa, idu abbarmagde…, yoggus.
